Nananawagan ng pagkakaisa ang aktor na si Robin Padilla matapos ang pambobomba sa isang Night Market sa Davao City na ikinasawi ng labing-apat katao at ikinasugat ng halos pitumpung iba.
Naniniwala si Robin na ang naturang insidente ay pag-atake sa bawat puso ng mga Filipino.
Ayon kay Binoy, handa siyang makipag-ugnayan sa mga magiging hakbang ng gobyerno matapos ang pag-atakeng inako ng Abu Sayyaf.
Dapat anyang suportahan si Pangulong Rodrigo Duterte sa gitna ng krisis sa halip na umatras at magpaka-duwag lalo’t ito na rin ang tamang oras na ipakita ang pagmamahal sa bayan sa pamamagitan ng pagkakaisa.
Bilang isang Muslim, maka-ilang beses ng namagitan si Robin o Abdul Aziz para sa pagpapalaya ng mga bihag ng ASG sa Mindanao.
By: Drew Nacino
