Balik bansa na si Midas Hotel Junket Casino Operator Kim Wong o Kam Sin Wong.
Kabilang si Wong sa mga isinasangkot sa 81 million dollar international money laundering scheme kung saan ninakaw ang nasabing halaga mula sa Central Bank of Bangladesh.
Ayon kay Victor Fernandez, abogado ni Wong, handa ng tumestigo at magsalita ang kanyang kliyente sa susunod na Senate Blue Ribbon Committee sa Marso 29.
Kinuwestyon naman ni Fernandez ang timing ng paghahain ng money laundering case ng Anti-Money Laundering Council (AMLC) sa Department of Justice (DOJ) laban sa negosyante.
Tila natatakot anya ang ilang maimpluwensyang tao sa isisiwalat ni Kim kaya’t agad naghain ng kaso ang AMLC.
By Drew Nacino
