Islamic state leader Abu Bakr al-Baghdadi posibleng buhay pa ayon sa US

Naniniwala si US Defense Secretary James Mattis na buhay pa ang Islamic state leader na si Ibrahim Awad Al-badri o Abu Bakr Al-Baghdadi.

Ito’y sa kabila ng mga ulat at pag-amin mismo ng ISIS na nasawi ang most wanted man ng mundo sa inilunsad na airstrike ng Russian forces sa Raqqa, Syria, noong Mayo.

Gayunman, inamin ni Mattis na wala pa silang beripikadong impormasyon na magpapatunay na buhay ang ISIS leader.

Samantala, aminado naman si Gen. Raymond Thomas, head ng special operations ng US army na muntik na nilang mahuli noon si Baghdadi pero nakalusot ito.

Isinisi ni Thomas ang pagka-bulilyaso ng kanilang operasyon sa isiniwalat na impormasyon ng pahayagang New York Times.

By Drew Nacino

Comments

comments