Itinalaga ng Pangulong Rodrigo Duterte si dating Manila Vice Mayor Isko Moreno bilang undersecretary ng Department of Social Welfare and Development.
Si Moreno na Francisco Moreno Domagoso sa tunay na buhay ay una nang itinalagang Director, Chairman at Chief Executive Officer ng North Luzon Railways Corporation at nagbitiw noong October 2017 dahil sa personal na dahilan.
Bukod kay Moreno, itinalaga rin ng Pangulo si Antonio Joselito Gabor Lambino II o mas kilala bilang Tony Lambino na dating singer bilang assistant secretary ng Department of Finance.
Martes naman nang italaga ng Pangulo sina Gerard Melocoton Caminia bilang board member ng Bases Conversion and Development Authority at Sherwin Smith Rigor bilang undersecretary ng Department of Environment and Natural Resources.
