Handa na umanong sumuko si John Paul Solano, isa sa mga itinuturing na suspek sa pagkamatay ng UST Law freshman na si Horacio Tomas ‘Atio’ Castillo III.
Ito ang ibinabatid ng isang source makaraang makubinsi umano ito ni UST Faculty of Civil Law Dean Nilo Divina makaraang mabaling ang atensyon sa kaniya ng mga awtoridad.
Magugunitang si Solano ang naghatid kay Castillo sa Chinese General Hospital matapos ang ginawang welcome rites ng sinalihan nitong fraternity na Aegis Juris nitong weekend.
Ayon pa sa source, natakot umanong lumutang si Solano dahil sa mga napapaulat na pagkamatay ng mga suspek sa kamay ng pulisya maging totoo man o pinaghihinalaan pa lamang.
Bagama’t walang direktang petsang sinabi ang source kung kailan susuko si Solano sa isang mataas na opisyal ng pamahalaan, posible anitong mangyari ang pagsuko anumang araw mula ngayon.
—-
