Kalaboso ang isang dating pulis makaraang matimbog sa ikinasang buy-bust operation sa Bacolod.
Hindi binanggit ang pagkakakilanlan ng suspek na sinasabing dating miyembro ng City Drug Enforcement Unit pero siyam na taon na itong wala sa serbisyo nang mag-awol.
Ayon kay Bacolod City Police Spokesperson Police Lt. Col. Ariel Pico, nasabat sa operasyon ang aabot sa 70,000 pisong halaga ng hinihinalang shabu.
Nasa drug watchlist umano ang suspek at matagal nang mino-monitor ang kanyang mga iligal na transaksiyon.
Sasampahan ang suspek ng kasong paglabag sa Comprehensive Dangerous Drugs Act of 2002.