Ipinagmalaki ng Philippine Daily Inquirer ang anito’y tradition of excellence sa journalism at ang pagkakataong ibinibigay nito sa administrasyon para ipaliwanag ang kaniyang mga polisiya.
Kasunod na rin ito nang pambibira ng Pangulong Rodrigo Duterte sa Inquirer at maging sa ABS CBN dahil sa aniya’y hindi patas na pagbabalita.
Sinabi ni Executive Editor Jose Maria Nolasco na simula nuong 1985 ay pinanindigan na ng Inquirer ang pagsusulong nito ng excellence in Journalism at dahil nais nila ang katotohanan sa kanilang coverage palagian aniyang kinukuha nila ang panig ng gobyerno sa anumang kontrobersya o usapin.
Sa katunayan ipinabatid ni Nolasco na mayruon silang View From the Palace column kada linggo kung saan ipinaliliwanag ng mga cabinet official ang administration policies at maging ang personalidad ng Pangulong Duterte.
By Judith Larino
