Patay sa pamamaril ang isang miyembro ng Philippine Marines habang sugatan naman ang isa pang kasamahan nito.
Kinilala ang mga biktima na sina Sergeants Ferdinand Ulang at Robel Navaro na pinagbabaril sa harap ng RVM College sa Sinsuat Avenue sa Cotabato.
Idineklarang dead on arrival si Ulang habang nilapatan naman ng lunas si Navaro sa Cotabato Regional and Medical Center.
Batay sa inisyal na imbestigasyon, binabaybay ng dalawang biktima ang national highway sa lugar sakay ng motorsiklo nang pagbabarilin ito ng mga hindi pa nakikilalang salarin.
Kasalukuyan pang iniimbestigahan ng mga awtoridad ang nangyaring pamamaril.
—-
