NBI inatasang mangalap ng ebidensya kaugnay sa pagkakapatay sa Caloocan Prosecutor

Inatasan na ni Justice Secretary Vitaliano Aguirre ang isang grupo ng National Bureau of Investigation o NBI na magtungo sa Caloocan City upang mangalap ng mga ebidensya matapos ang pananambang kay Caloocan Assistant City Prosecutor Diosdado Azarcon.

Inaalam na rin ng DOJ o Department of Justice kung may mga kontrobersyal na kasong hinahakawan ni Azarcon na posibleng naging ugat ng pamamaslang dito.

Kinondena naman ng kagawaran ang panibagong insidente ng pagpatay sa mga government prosecutor.

Batay sa imbestigasyon, malapitang binaril ng mga lalaking naka-motorsiklo ang biktima sa ulo at balikat paglabas nito ng bahay sa kanto ng 9th Avenue at Galauran Street, sa Barangay 63, Grace Park West, alas-8:00 ng umaga ng Lunes.

By Drew Nacino | With Report from Bert Mozo

Comments

comments