Arestado ang kahahalal lamang na chairman ng barangay Santa Clara sa Sto. Tomas, Batangas dahil sa illegal na armas.
Kinilala ang suspek na si Barangay Captain Jay Monterola.
Ayon kay Senior Superintendent Guillermo Eleazar, hepe ng Region IV-A police, sinalakay nila ang tahanan ni Monterola matapos silang makakuha ng impormasyon ukol sa mga armas na hawak ni kapitan, gayundin ang pagkakaroon nito ng ‘private armed group’.
Kabilang sa mga narekober mula sa suspek ay isang high powered firearms, dalawang kalibre ng kwarenta’y singko na baril at mga bala.
Samantala, maliban kay Monterola kasama rin sa mga inaresto ang dalawang bodyguard nito.
Nabatid na ang barangay Santa Clara sa Sto. Tomas, batangas ay nasa watchlist area nuong panahon ng barangay at SK elections.
