Nakatakdang masibak ang isa pang opisyal ng pamahalaan sa susunod na linggo.
Ito ang inihayag ni Pangulong Rodrigo Duterte sa kaniyang talumpati sa pagbubukas ng isang bagong tulay sa Davao City.
“I might fire another one pagbalik ko sa Malacanang.”
Ayon kay Pangulong Duterte, sisibakin niya ang hindi pa pinangalanang opisyal dahil sa korapsyon.
Kasabay nito, tiniyak ng Pangulo sa publiko na magpapatuloy pa rin ang pangako niyang tuldukan ang katiwalian sa gobyerno.
—-