Nanindigan si President-elect Rodrigo Duterte na wag sumakay sa mga sasakyang ginamit ng mga nagdaang pangulo.
Sinabi ni Duterte, hindi ito sasakay sa Mercedes Benz dahil na-impeach o di kaya’y nabilanggo lahat nang sumakay doon.
Gayunpaman, tanggap, aniya, nito ang mahigpit na seguridad na inilalaan sa kanya ng Presidential Security Group.
Bagaman labag sa kalooban, hindi na raw ito makalalapit sa tao nang basta-basta dahil sa isyu ng kaligtasan.
Hindi na rin basta-basta malalapitan si Duterte dahil tiyak na haharang ang PSG.
Ngunit ayon Kay duterte, naiintindihan naman niyang trabaho ng PSG na protektahan siya.
By: Avee Devierte
