Aminado si Incoming PNP Chief na si Chief Supt. Ronald Dela Rosa na maraming kaibigan, kapwa opisyal at kakilala ang sumusuyo sa kanya upang magkaroon ng magandang pwesto sa pagpasok ng Duterte administration.
Ayon kay Dela Rosa, hindi na nawalan ng bisita sa kanyang opisina simula nang umugong ang kanyang pangalan bilang susunod na pinuno ng pambansang pulisya.
Gayunman, nilinaw ng heneral na masusi niyang pinipili ang mga opisyal upang makamit ang target ni Duterte na Tatlo hanggang Anim na buwan upang tuluyang masugpo ang kriminalidad at iligal na droga.
Anya, wala siyang kinikilalang kaibigan o kakilala at mga pakiusap sa paglalagay ng pwesto sa PNP lalo’t mataas ang “expectation” sa kanila ng publiko.
Nakiusap naman si Dela Rosa sa kanyang mga kabaro na huwag magtampo kung hindi mapagbibigyang ang kanilang hinihinging pwesto dahil hindi naman pagkakaibigan ang kwalipikasyon upang magkaroon ng pwesto sa PNP.
By: Brew Nacino
