Itinututuring ni Senador Joel Villanueva na misleading ang impormasyon ng Department of Health (DOH) kaugnay sa tunay na estado ng kapasidad ng mga health facility sa bansa.
Sa Facebook post ipinakita ng senador ang isang screenshot ng graph mula sa website ng DOH na nagpapakita na ang 780 ospital ay mababa pa sa 30% ang okupado habang 237 iba pa ay may 70% occupancy.
Dahil dito, hinimok ni Villanueva ang DOH na ayusin ang kanilang occupancy infographic rate ng mga health facilities.
Giit ni Villanueva, misleading na maituturing ito dahil iisipin ng publiko ay nasa safe zone pa ang karamihan sa mga ospital sa bansa.
