Hindi pa umuusad ang reklamong impeachment na inihain ng iba’t ibang grupo laban kay Vice President Leni Robredo.
Ito ang inihayag ni House Committee on Justice Chair at Mindoro Representative Reynaldo Umali makaraang tanungin kung may nag-endorso nang mambabatas hinggil sa nasabing reklamo.
Ayon kay Umali, wala pa sa kanyang komite ang kopya ng reklamo na indikasyong wala pang mambabatas ang nag-eendorso rito.
Magkagayunman, nilinaw ni Umali na tatanggapin lamang niya ang reklamo kung ito’y dumaan sa tamang proseso upang masimulan na ang pagtalakay hinggil dito.
By Jaymark Dagala | (Ulat ni Jill Resontoc)
