Target ng senate blue ribbon committee na masimulan ang imbestigasyon sa mga ibinabatong alegasyon laban kay Health Secretary Francisco Duque III at pamilya nito sa susunod na linggo.
Ayon kay Senate Blue Ribbon Committee Chairman Richard Gordon, pangunahin nilang ipatatawag at pahaharapin sa pagdinig si Duque para pagpaliwanagin sa mga ibinulgar na kontrobersiya ni Senador Panfilo Lacson.
Kabilang aniya sa bubusisiin ng komite, ang sinasabing conflict of interest sa bahagi ng kalihim dahil sa mga umano’y kontrata na pinasok ng kumpanyang pag-mamay ari ng pamilya nito sa DOH.
Tiniyak ni Gordon na magiging patas ang kanilang gagawing imbestigasyon at wala aniya silang kakampihan.
Samantala, wala naman nakikitang dahilan si Gordon para pagbakasyunin si Duque habang iniimbestigahan ang kinasasangkutan nitong kontrobersiya.
