Isinailalim na sa state of calamity ang probinsya ng Ilocos Sur dahil sa severe tropical storm Maring.
Ayon sa provincial government ng Ilocos Sur, ipinasa ng provincial board ang resolution no. 0565-2021 matapos aprubahan ni Governor Ryan Luis Singson kahapon ang naturang rekomendasyon.
Dahil dito, papayagang gamitin ang quick response fund ng probinsya ng Ilocos Sur para sa mga residenteng apektado ng bagyo Maring.
Sa ngayon patuloy na mino-monitor sa lugar ang mga residenteng apektado ng pananalasa ng bagyo.—sa panulat ni Angelica Doctolero
