Dumagsa ang ilang mananampalatayang Katoliko sa mga simbahan ngayong Palm Sunday o ang Linggo ng Palaspas.
Maagang nagtungo sa Minor Basilica of the Black Nazarene sa Quiapo ang ilang mananampalataya para sa unang bahagi ng misa hanggang alas onse ng umaga, gayundin ngayong alas dose y kinse ng tanghali hanggang alas siyete ng gabi.
Pinangunahan naman ni Rev. Fr. Victorino A. Cueto, pagbabasbas ng mga palaspas gayundin ang isang misa ngayong “Domingo de Ramos” o Linggo ng Palaspas sa Baclaran Church.
Dinagsa rin ang ilang malalaking simbahan sa Metro Manila gaya ng St. Peter Parish at Sacred Heart of Jesus Parish sa Quezon City.
Mahigpit namang ipinapatupad ng bawat simbahan ang minimum health protocols para maiwasan ang hawaan ng COVID-19. — Sa panulat ni Abie Aliño
