Papayagang makapasok ang ilang residente ng Marawi sa pinakamalubhang naapektuhan ng bahagi ng naturang lungsod.
Ayon kay Housing Assistant Secretary Felix Castro Jr., Field Office Manager ng Task Force Bangon Marawi, ito ay upang mabigyan sila ng pagkakataon na makuha ang kanilang mga gamit bago magsimula ang rehabilitasyon.
Hahatiin aniya sa tatlong batch ang mga residente upang magkaroon ng sistema sa pagpapasok sa mga ito.
Kasabay nito, tiniyak ni Castro na makakatanggap ng tulong ang pinansyal ang mga residente ng Marawi sa oras na maisaayos na ang listahan ng kanilang mga pangalan at bilang.
—-
