Ilang public transport vehicle ang pinagmulta ng Land Transportation Office (LTO) matapos mabigong sumunod sa 50% passenger capacity sa gitna ng COVID-19 pandemic.
Ayon kay LTO Deputy Director for law Enforcement Roberto Valera, kabilang sa mga nahuli ay mga bus at jeep.
Dahil dito, pinag-iisipan nang Department Of Transportation (DOTr) na itaas ang passenger capacity ng mga PUV kaya’t kinokonsulta na anya nila ang mga eksperto hinggil sa nasabing proposal.
Samantala, sa issue naman sa mga colorum na sasakyan na may tinted window, inihayag ni Valera na maglalabas sila ng guidelines pero hinihintay pa nila itong lagdaan. —sa panulat ni Drew Nacino
