Itinanggi ni Presidential Aspirant at Vice President Leni Robredo ang mga ulat na namigay sila ng “caravan kits” at P100 cash sa kanilang nationwide motorcade ng Vice Presidential running mate sa 2022 elections na si Senador Kiko Pangilinan.
Ayon kay Barry Gutierrez, tagapagsalita ni Robredo, fake news lamang ang kumakalat na mga litrato at balita ng umano’y pinamigay na “caravan kit” sa motorcade.
Ang caravan kit ay naglalaman ng P100, snack bar, campaign sticker, pink face mask at sulat na hinihikayat ang nakatanggap na iboto si Robredo.
Inaasahan na anya nila ang mga ganitong paninira habang lumalakas at dumarami umano sila.—sa panulat ni Drew Nacino
