Tumaas ang presyo ng mga bilog na prutas sa ilang pamilihan, ilang araw bago ang pagsalubong sa bagong taon.
Sa Divisoria, Manila, naglalaro sa ₱50 hanggang ₱100 ang presyo ng kiat-kiat, at ponkan, habang ₱50 naman ang presyo ng kada limang piraso ng mansanas, at ₱50 din ang presyo ng kada piraso ng Korean apple.
Aabot naman sa ₱50 kada apat na piraso ang presyo ng lemon.
Nasa ₱120 naman ang presyo ng kada tatlong piraso ng orange, habang ang suha ay nasa ₱170 kada piraso.
Aabot naman sa ₱260 kada kilo ang presyo ng ubas, habang ₱300 kada kilo ang presyo ng green grapes. - sa panulat ni Charles Laureta
