Wala ngayong suplay ng kuryente ang ilang lugar sa luzon dahil pa rin sa Bagyong lando.
Ayon sa report ng NGCP o National Grid Corporation of the Philippines, nagkaproblema ang bauang-naguilian 69kv line, dahilan para maapektuhan ang Luelco-Naguilian substation sa mga bayan ng Naguilian, Burgos, bagulin at ilang bahagi ng Bauang at San Fernando City sa La Union.
Nagka problema din ang ilang segment ng Solana-Tabuk 69kv line dahilan para maapektuhan naman ang buong area na nasa ilalaim ng KAELCO franchise
Ayon pa sa NGCP, agad nilang i-rerestore ang linya ng kuryente kapag umayos ng bahagya ang panahon.
Samantala, nag auto-tripped naman ang Batangas-Bolboc 69kv line kaninang 7:00 ng umaga dahil sa malakas na hanging dala ng bagyong Lando. Apektado nito ang ilang bahagi ng Batelec 2 ay Meralco Batangas.
Hindi pa matukoy ng NGCP kung kailan maibabalik ang suplay ng kuryente sa mga apektadong lugar.
Samantala, isolated naman ang Casiguran, Aurora dahil sa naputol na linya ng komunikasyon.
By: Jonathan Andal
