Hindi pa rin bukas para sa mga motorista ang 24 na kalsada sa pitong rehiyon na sinalanta ng bagyong Paeng.
Kabilang dito ang mga matatagpuan sa Cordillera Administrative Region, Ilocos, Cagayan Valley at CALABARZON regions.
Hindi rin madaanan ang anim na kalsada at tulay sa Regions 6 at 8 maging sa Bangsamoro Autonomous Region Muslim Mindanao (BARMM) dahil sa pagbaha.
Tiniyak naman ng Department of Public Works and Highways (DPWH) na patuloy ang kanilang clearing operations sa mga saradong kalsada. —sa panulat ni Hannah Oledan
