Aminado si PhilHealth Spokesperson Dr. Shirley Domingo na hindi maiiwasang makaramdam ng pagbaba ng morale ang ilang mga empleyado ng ahensiya.
Ito aniya ay sa gitna na rin ng ibinabatong alegasyon ng katiwalian sa loob ng PhilHealth.
Ayon kay Domingo, inaasahan na nilang maaapektuhan ng mga kinahaharap na kontrobersiya ang mga empleyado ng ahensiya, lalo’t may iilan na rin aniyang nakararanas na harassment.
Iginiit pa ni Domingo, wala pa namang naipalalabas na matibay na ebidensiya na magpapatunay sa alegasyon ng korapsyon sa ahensiya.
Sa kabila naman nito, tiniyak ni Domingo na tuloy-tuloy pa rin ang pagbibigay serbisyo ng PhilHealth sa publiko.
Syempre affected ‘yung mga employees natin, hina-harass pa sila, pero tuluy-tuloy ang trabaho natin,” ani Domingo. —sa panayam ng Ratsada Balita
