No show ang ilang cabinet secretaries sa pagdinig ng senado hinggil sa Bangsamoro Basic Law o BBL ngayong araw.
Kabilang sa mga ito sina DepEd Sec. Armin Luistro, Finance Sec. Cesar Purisima, DTI Sec. Gregory Domingo, at DILG Sec. Mar Roxas.
Dahil pawang mga kinatawan lamang ang pinadala ng mga naturang kalihim, halos hindi masagot nang maayos ng mga ito ang mga tanong ukol sa nasabing usapin.
Layunin ng pagdinig na masigurong mapoprotektahan ang kapakanan ng mahigit 36,000 public servants sa Autonomous Region in Muslim Mindanao na maaaring maapektuhan kapag pumasa na ang BBL at malikha na ang Bangsamoro region.
By Jelbert Perdez | Cely Bueno (Patrol 19)
