Umakyat na sa anim ang nasawi habang 15 ang nawawala matapos tangayin ng flashfloods bunsod ng malakas na pag-ulan sa East Java, Indonesia.
Pinakamatinding naapektuhan ang Batu City matapos umapaw ang Brantas River noong Huwebes.
Ayon sa Regional Disaster Management Agency ng East Java, nagpapatuloy ang search and rescue operations sa naturang lugar.
Nasa 20 kabahayan naman ang napinsala o nawasan habang nalubog din sa baha ang ekta-ektaryang taniman. —sa panulat ni Drew Nacino
