Tinatayang pito (7) katao ang nasawi habang 20 iba pa ang nasugatan matapos sumalakay ang 2 suicide bomber sa isang shopping mall sa Baghdad, Iraq.
Ayon kay Major General Abdul Amir Al-Shimary, unang pinasabog ang isang car bomb sa entrance ng Al-Jawhara Mall sa Al-Jadida District.
Maliban sa mga pinasabog na bomba, pinagbabaril din umano ng mga suicide bomber ang mga nagtakbuhang tao.
Napatay ng mga sekyu ang isa sa mga suspek habang ang isa ay nasabugan naman ng dala nitong bomba.
Iniimbestigahan pa rin ng Iraqi Security Forces ang naturang pag-atake.
By Jelbert Perdez
