Puno na rin ang Intensive Care Unit (ICU) ng Philippine General Hospital (PGH) na isa sa pinakamalaking coronavirus disease 2019 (COVID-19) referral center.
Ito’y kasabay ng pagsirit ng kaso ng COVID-19 na naitatala kada araw sa mga nakalipas na linggo.
Ayon kay PGH Spokesperson Jonas Del Rosario, nasa 86.66% na ang okupado ng mga COVID-19 patients sa nasabing pagamutan.
Ngunit dahil marami pa aniya ang naghihintay na ma-admit, nagbukas pa sila ng 30 pang kama para matugunan ang mga ito.
Ngunit, ani Del Rosario, hanggang dito na lang ang bilang na kaya nilang i-commit sa gobyerno dahil kailangan pa rin nilang tugunan at paglaanan ng lugar ang mga non-COVID patient.
