Human rights record ng Pilipinas idinepensa sa UN

Idinepensa ng Philippine delegation sa harap ng United Nations Human Rights Council ang mga nagaganap na patayan sa bansa kasunod ng kampanya laban sa iligal na droga ng Duterte administration.

Pinangunahan ni Senador Alan Peter Cayetano at Deputy Executive Secretary Menardo Guevarra ang pagharap sa halos isang daang (100) kinatawan ng iba’t ibang bansa na miyembro ng UN.

Dito ay iginiit ni Cayetano na mataas ang pagrespeto ng pamahalaan sa karapatang pantao.

Sinabi ni Cayetano na hindi state sponsored ang mga nangyayaring pamamaslang sa halip ay resulta ito ng mga krimen na ginagawa ng mga gumagamit ng iligal na droga.

PAKINGGAN: Bahagi ng pahayag ni Senator Alan Peter Cayetano

Samantala, naalarma na umano ang ilang bansang miyembro ng United Nations o UN hinggil sa umano’y extrajudicial killings sa Pilipinas.

Ito ay matapos humarap ang Philippine government panel sa Universal Periodic Review ng UN Human Rights Council sa Geneva, Switzerland para idepensa ang human rights record ng bansa na naapektuhan na umano ng mga hindi maipaliwanag na pagpaslang sa gitna na rin ng anti-illegal drugs war ng gobyernong Duterte.

Matapos ang presentasyon ng Philippine government sa pangunguna ni Senador Alan Peter Cayetano, ang mga member states ay binibigyan ng oportunidad na mag komento at gumawa ng rekomendasyon kung paano makatuwirang tututukan ang pagprotekta sa karapatang pantao.

By  Rianne Briones | Judith Larino

Comments

comments