Mas mabigat ang kaso ng maanomalyang flood control projects kumpara sa PDAF scam o pork barrel scam na kinasasangkutan ni Janet Lim Napoles.
Ayon kay Bicol Saro Party-list Representative Terry Ridon, umabot lamang sa milyon ang napag-usapan sa kaso ni Napoles habang inaabot na sa bilyon-bilyon ang sinasabing maanomalyang proyekto.
Dahil dito, binalaan ng kongresista ang mga matataas na opisyal na mag-ingat sa paglaglag sa kanilang mga tauhan lalo’t sa kaso ni Napoles, hamak na tauhan lang din ang nagturo at nagpangalan sa mga opisyal sa likod ng PDAF scam.
Binigyang-diin din ng kongresista ang malaking papel ng publiko sa kontrobersyal na flood control lalo’t nagsisimula nang kumanta ang tulad ng mga batang engineers na sina JP Mendoza at Brice Hernandez.
