Nilinaw ni House Speaker Pantaleon Alvarez na walang kinalaman sa promosyon ng isang hindi kwalipikadong opisyal ng Bureau of Customs (BOC) ang hidwaan sa pagitan nila ni Mandy Therese Anderson, chief of staff ni BOC commissioner Nicanor Faeldon.
Inamin ni Alvarez na may kaugnayan sa illegal drugs ang kanilang sigalot dahil sa sinasabing tangkang pagtatakip ng ilang customs official sa kanila umanong “incompetence.”
Misteryoso rin anyang ini-release ang 6.4 billion pesos na halaga ng shabu na narekober ng team ni Faeldon sa Valenzuela City noong Mayo.
Samantala, kinatigan nina majority leader Rodolfo Fariñas at Surigao del Norte Rep. Robert Ace Barbers, chairman ng Committee on Dangerous Drugs ang pahayag ni Alvarez.
By Drew Nacino
