Ibinasura ng Muntinlupa Court ang kahilingan ng DOJ o Department of Justice na pag isahin o i-consolidate na lamang ang tatlong (3) kasong isinampa nito laban kay Senador Leila De Lima.
Una nang nagsampa ng motion for consolidation ang prosecution sa sala ni Muntinlupa RTC (Regional Trial Court) Judge Juanita Guerrero nitong nakalipas na February 27.
Si De Lima ay nahaharap sa kaso kaugnay sa paglaganap umano ng iligal na droga sa loob ng New Bilibid Prison (NBP) kung saan nagsilbi umano itong drug protector kapalit ng perang sinasabing ginamit niya sa kaniyang senatorial campaign.
By Judith Larino
