Apat na mga bata sa Cagayan Valley ang inoobserbahan ng Department of Health (DOH) dahil sa hinihinalang kaso ng polio.
Ayon kay DOH Cagayan Valley Director Dr. Rio Magpantay, kinuhanan na ng stool sample ang apat na bata para matukoy kung apektado nga ba ang mga ito ng polio matapos makitaan ng sintomas.
Aniya, isa sa apat na bata ang nabakunahan noon sa polio.
Kasabay nito, nanawagan si Magpantay sa mga lokal na pamahalaan na makipagtulungan para masugpo at hindi kumalat ang polio sa rehiyon.
Samantala, ikinabahala naman ng Cagayan provincial board ang datos na tanging 63% lamang ng mahigit 95,000 mga bata sa lalawigan ang may kumpletong bakuna.