Dapat pag-aralang mabuti ng pamahalaan at pribadong sektor ang inihihirit na taas-sahod sa mga manggagawa bunsod ng patuloy na pagtaas ng presyo ng mga pangunahing bilihin.
Sinabi ni Presidential Adviser for Entrepreneurship Joey Concepcion na baka may maisip pa na ibang paraan ang gobyerno gaya ng pagbibigay ng ayuda sa mga manggagawang Pinoy.
Posibleng tamaan aniya ng wage hike ang mga nasa small at medium enterprises habang ang iba naman ay ngayon pa lamang nagsisimulang bumangon gaya ng mga tourism sector.
Bukod dito, giniit ni Concepcion sakali naman aniya na matapos ang tensyon sa Europa ay bababa din agad ang pagtaas ng presyo ng mga commodities.
Aniya, kapag nangyari umano ito at nagkataong itinaas ang umento sa sahod ay hindi naman maaaring bawiin ang dagdag sahod.
