Umabot sa 5, 690 ang mga bagong naitalang kaso ng COVID-19 sa bansa sa loob ng nakalipas na isang linggo mula nuong December 19 hanggang 25.
Ayon sa DOH , umaabot naman sa 813 ang average ng arawang kaso ng COVID-19 sa nakalipas na isang linggo.
Katumbas ito ng 25% pagbaba kumpara naman nuong December 12 hanggang 18.
Sa mga bagong kaso, nadagdagan ng tatlo ang malubha at kritikal na karamdaman.
Habang umaabot naman sa kabuuang 516 ang lahat ng mga naka-admit na severe at kritikal.
Samantala, nakapagtala naman ng karagdagang 172 na mga nasawi sa nakalipas na linggo kung saan 24 naman ay naganap nuong December 12 hanggang 25.
