Pumalo na sa 75.18% ng cash assistance ang naipamahagi ng Metro Manila sa mga naapektuhan ng Enhanced Community Quarantine (ECQ).
Ayon kay MMDA Chair Benhur Abalos na ang naturang datos ay mula sa 17 lokal na pamahalaan sa Metro Manila na kapwa nagsabing naging maayos ang pamamahagi nito.
Giit pa ni Abalos na tiniyak ng mga lungsod na hindi naging super spreader event ang pamamahagi ng mga ayuda sa iba’t ibang lugar.
Magugunitang muling naglaan ng pondo ang pamahalaan para sa cash assistance sa Metro Manila matapos itong isailalim sa ECQ noong Agosto 6 hanggang 20.
