Sumalang ang mahigit 200 truck driver ng Adwana Business Club Incorporated sa isang surprise drug test bilang pakikiisa nila sa kampanya ng pamahalaan sa pagsugpo ng iligal na droga.
Ayon kay Business Club President Mary Zapata, inaasahan na sa mga susunod na linggo, maisasagawa pa ng kanilang mga miyembro ang mga sorpresang drug test.
Samantala, isasalang sa confirmatory test sa Department of Health ang mga truck driver at iba pang miyembro ng kanilang samahan na mapatutunayang gumagamit ng iligal na droga.
Isusumite ng Adwana Business Club sa PDEA ang resulta ng drug test upang maging kampante sila na hindi sila magiging biktima ng maling hinala at upang hindi maiugnay ang kanilang mga truck driver sa iligal na droga.
By: Avee Devierte / Aya Yupangco
