Nagpasok ng not guilty plea ang pinsan ni Pangulong Rodrigo Duterte na si Danao City Mayor Ramonito Duterte Durano III nang basahan ng sakdal kaninang umaga.
Ito ay kaugnay ng kanyang kaso sa Sandiganbayan dahil sa hindi pagpapatupad ng resolusyon ng Civil Service Commission o CSC.
Ayon sa Ombudsman, si Durano ay nagkaroon ng paglabag sa section 121 ng revised rules on administrative cases in the civil service nang hindi nito ipinatupad ang ruling ng CSC na ibalik sa pwesto ang ilang empleyado ng lungsod at bayaran ang back wages at iba pang benepisyo ng mga ito.
Hindi naman physically present si Durano at isang conditional arraignment ang isinagawa sa sandiganbayan dahil meron itong aprubadong mosyon para makabiyahe palabas ng bansa.
