Nakumpiska ng mga awtoridad ang mahigit 100,000 pisong halaga ng hinihinalang shabu sa magkahiwalay na operasyon ng Southern Police District (SPD) sa Pasay.
Sa Brgy. 178, arestado ang 18 taong gulang na si Joshua Casumpan kung saan nasabat mula rito ang higit 24,000 pesos na halaga ng umano’y shabu.
Sa Eusebio St., Brgy. 42, sa lungsod pa rin ng Pasay, huli ang 17 taong gulang na si alyas Jun, gayundin ang isang alyas Teddy, 52 taong gulang.
Nasabat mula sa dalawa ang halos 100,000 pisong halaga ng hinihinalang shabu, maliban sa 500,000 buy-bust money.
Sasampahan ng kaukulang kaso ang mga nasabing suspek.
