Ni-relieve sa pwesto ang hepe ng SIB o Station Intelligence Branch ng Valenzuela Police.
Ito ang kinumpirma ni Northern Police District Director General Roberto Fajardo sa DWIZ, kasunod na rin ng pagkalat ng dokumentong naglalaman ng umano’y planong pag-atake ng Maute Group sa ilang mall sa Metro Manila.
Ayon kay Fajardo, kanyang ipinag-utos ang pagbakante sa pwesto ni Police Chief Inspector Jowilouie Bilaro habang nagpapatuloy ang kanilang imbestigasyon kaugnay sa pag-kalat ng nasabing memo.
Una nang kinumpirma ni Fajardo na galing sa SIB Valenzuela Police ang memo pero kanyang pinabulaanang beripikado ang nilalaman nito.
By Krista De Dios
