Nakaligtas mula sa pananambang ang hepe ng Dumaran Municipal Police Station sa Palawan at kasama nitong pulis, kaninang umaga.
Batay sa ulat, nagsasagawa ng monitoring operation laban sa ilang mga wanted persons sina Sumaran Police Chief Captain Erwin Carandang at Police Corporal Mark Russel nang bigla silang pagbabarilin ng mga hindi pa nakikilalang salarin.
Masuwerteng nakaligtas ang dalawa mula sa tinatayang sampung tama ng bala sa kanilang sasakyan.
Sinabi ni Dumaran Deputy Chief of Police Lt. Federico Calingao, nangyari ang insidente sa bahagi ng San Vicente, Palawan sa pagitan ng alas singko hanggang alas sais ng umaga.
Kasalukuyan namang nasa maayos na kondisyon ang dalawang pulis.
