Isinasapinal na ng health department at Commission on Elections (COMELEC) ang mga health protocols na ipatutupad para sa national and local elections sa susunod na taon.
Ayon kay Health Secretary Francisco Duque III, nakikipag-ugnayan na sila sa COMELEC kung saan tinitingnan na nila ang mga health protocols na kailangan ipatupad sa halalan 2022.
Aniya, mayroon na silang partikular kung ano ang mga ipatutupad ngunit hinihintay na lamang nila ang COMELEC para opisyal na ilabas ito sa publiko.
Sinabi rin ni Duque na handa ang kagawaran na tumulong sa ahensya sa pagpapatupad nito.
