Sinibak ng pamunuan ng Houston Rockets ang Head Coach nito na si Kevin Mchale.
Ito’y bunsod ng mahinang kampanya ng koponan sa National Basketball Association o NBA kung saan 4-7 ang kartada nila sa standings.
Ayon kay General Manager Daryl Morey, pansamantalang uupo bilang coach ng Rockets si Assistant J.B. Bickerstaff, anak ni long-time NBA Coach at Executive Bernie Bickerstaff.
Matatandaang nalugmok ang Houston sa apat na magkasunod na pagkatalo na mas masaklap kumpara sa tinamo nila noong nakaraang season kung saan nakapasok pa sila sa western conference final.
Sinasabing matapos matalo ang Rockets sa kamay ng Boston Celtics kahapon ay agad na pinulong ang lahat ng mga atleta bago inanunsiyo ang pagkakasibak kay Mchale.
By Jelbert Perdez
