Hinamon ni Pangulong Rodrigo Duterte sina Ombudsman Conchita Carpio-Morales at Chief Justice Maria Lourdes Sereno na samahan siyang mag-resign o bumaba sa pwesto.
Ginawa ni Pangulong Duterte ang pahayag kasabay ng pagtatalaga ng mga bagong opisyal ng IBP o Integrated Bar of the Philippines sa Davao City.
Sa naturang aktibidad, muling binanatan ng Pangulo ang pagiging selective umano ng justice ng Ombudsman.
Ayon sa Presidente, imbes umano na unahing imbestigahan ni Morales ang mga kasong inihain sa kanyang tanggapan ilang taon na ang nakararaan, mas inuna pa nitong dinggin ang reklamong isinumite ng magdalo senator laban sa kanya.
Samantala, patuloy namang gumugulong sa Kamara ang impeachment complaint na inihain ng Volunteers Against Crime and Corruption o VACC laban kay Chief Justice Sereno.
I am ready to lose the presidency, my honor, my life in the presidency.
I now challenged Carpio to resign with me at itong si Supreme Court Justice.
Kaya ikaw may kaso Morales, unahin mo ‘yung kaso noong nai-file nang matagal na. You are on a selective justice.
Bakit na una ‘yung sa amin na hindi pa totoo? Kasi ito ‘yung surot.
Nagpapagamit ‘yang dalawa eh. Edi mag-resign tayo. We will go to Congress in a simple ceremony, we sign the letter of resignation and let us open all the book pati inyo.
Ombudsman tinawag na ‘lousy’ ni Pangulong Duterte
Hindi makikipag-tulungan si Pangulong Rodrigo Duterte sa isinasagawang imbestigasyon ng Office of the Ombudsman kaugnay ng mga umano’y bilyon-bilyong pisong bank account niya.
Sa kanyang talumpati sa harap ng IBP o Integrated Bar of the Philippines davao City Chapter, iginiit ni Pangulong Rodrigo Duterte na gawa- gawa lamang ang mg dokumento na hawak ng Office of the Ombudsman kaugnay ng alegasyon ng katiwalian laban sa kanya.
Binigyang-diin din ni Pangulong Duterte na hindi siya magpapasakop sa hurisdikyon ng Ombudsman na tinawag niyang ‘lousy’ o walang kwenta.
Kasabay nito binalaan din ng Pangulo si Overall Deputy Ombudsman Arthur Carandang.
If we cannot decide how to do it, then, ngayon hindi ako mag-submit ng jurisdiction because it’s a lousy.
Imagine ‘tong si Carandang, magdasal ka na. I’m not threatening you.
‘Pag nagkandaletche-letche ang Pilipinas, tingnan mo muna kung anong nangyari dito.
Sabi ng [Anti-] Money Laundering ba’t may nagkuha doon sa loob binigay kay [Senador] Trillanes, binigay kay Carandang.
Carandang kung may kaibigan ka sa Bangko Sentral [ng Pilipinas], pumunta ka para safety ka.
—-
