Umabot na sa halos 7,000 immunocompromised individuals ang naturukan ng ikalawang COVID-19 booster shot sa unang linggo ng programa ng gobyerno.
Ayon kay National Vaccination Operations Center (NVOC) chair at health undersecretary Dr. Myrna Cabotaje, wala silang datos ng mga walang sakit na indibidwal na nabakunahan ng ikalawang booster.
Sa kasalukuyan, mayroon nang 67.8 million na fully vaccinated sa bansa.
Pinag-aaralan naman aniya ng NVOC kung magtatalaga ng vaccination sites sa mga presinto sa araw ng eleksyon.
Nabatid na nagsimula noong Lunes ang naturang bakunahan.
