Iniulat ni Ukraine President Volodymyr Zelensky na pumapalo na sa 2,500 hanggang 3,000 na Ukrainian troops ang nasawi sa pitong linggong pakikipag-bakbakan nila sa Russia.
Tinatayang aabot naman ani Zelensky sa sampung libo ang sugatan sa hanay ng kanilang militar.
Habang wala naman aniya silang datus kaugnay sa mga sibilyang binawian ng buhay.
Samantala, inihayag pa ni Zelensky, na halos nasa 19k hanggang 20k na Russian soldiers ang nasawi sa nagpapatuloy na sagupaan sa Europa.
Pero una nang sinabi ng Moscow, na umaabot pa lamang sa 1,351 na Russian soldiers ang binawian ng buhay at 3,825 naman ang sugatan.
Sa ngayon, tuloy-tuloy parin ang matinding sagupaan sa pagitan ng Russia at Ukraine sa lunsod ng Mariupol.
