Nakapagtala ang Department of Health (DOH) ng kabuuang 1,906 bagong kaso ng COVID-19 simula Abril 4 hanggang 10.
Batay sa weekly case bulletin, nasa 272 ang average na arawang kaso nitong linggo.
Mas mababa ito kumpara sa naitalang 382 kada araw, mula Marso 28 hanggang Abril 3 na may kabuuang 2,679 cases.
Sa bilang na 1,906 bagong nahawa sa COVID-19, 707 dito ang nasa severe at kritikal na kondisyon.
Nasa 542 naman o 18.4% ng 2,951 ICU beds ang nagamit para sa mga pasyente ng COVID-19, at 4,450 ang nagamit para sa non-COVID-19 cases.
