Pumalo na sa P7.3-B ang halaga ng pinsalang iniwan ni bagyong paeng sa sektor ng agrikultura at imprastraktura.
Sa huling datos ng National Disaster Risk Reduction and Management Council (NDRRMC), pumalo na sa mahigit 4,309,850,765 ang kabuuang pinsala sa sektor ng imprastraktura.
Pinaka apektado dito ang mga kalsada, flood control facilities, government facilities, kasama narin ang mga tulay, maging ang health and utility services facilities.
Umakyat naman sa mahigit 3,085,192,147 ang kabuuang bilang ng pinsala sa sektor ng agrikultura kung saan, pinaka apektado ang mga magsasaka at mangingisda.
Sa ngayon, patuloy pang nagsasagawa ng ibat-ibang operasyon ang mga ahensya ng gobyerno para mag-abot ng tulong sa mga pamilyang naapektuhan ng pananalasa ng Bagyong Paeng.
