Nakauwi na mula sa ospital ang American supermodel na si Hailey Bieber, asawa ng Canadian singer na si Justin Bieber matapos magkaroon ng blood clot sa utak.
Sa Instagram post ni Hailey, sinabi niya na noong Marso a-10 kasama niyang nag-aalmusal ang kaniyang asawa nang siya ay ma-stroke.
Agad siyang dinala sa ospital ni Justin at dito na nakita na may namuong dugo sa kaniyang brain na nagdulot ng bahagyang kakulangan ng oxygen sa kaniyang katawan.
Mabilis namang nakarekober si Hailey pero aminado siya na nakaramdam siya ng takot sa nangyari.
Pinasalamatan naman ni Hailey ang lahat ng doktor at nars na nag-alaga sakaniya sa ospital maging ang kaniyang mga tagasuporta na nag-alala sa kaniyang kalagayan. —sa panulat ni Angelica Doctolero
